malinconie*... fotografiche

E SONG' ASCIUTE FOR'

E song asciute for' a sta finestra
chest'aria m'accarezza e frene 'o chianto
'o core s'arrevote e cchiù nun trove voce
ca d'ammore le parlava.
Tutt 'e parole ddoce sa scurdate
tutt'e carezze, 'e vvase, 'e giuramente
pur' 'e pazzie 'e na vota nun s'arricorde cchiù


E song' asciute for' 'a sta finestra
ca speranza 'e stu sfriccicarielle 'e viente
scombinasse stu core appucundrute
ca n'ata vota desse 'o calore antiche
e parlasse d'ammore sulamente cu mme.


versi di Amalia Varone dal libro di poesie in vernacolo "Guardanneme 'ntuorno"