L'adesso...è già passato

A vicchiaredda è setti i sira
Sinni stava a fari i divuzioni
Assittata n’ta poltrona nira
N’tò mentri chi talìava a televisioni
Era tutta sgaggulata
E menza immuruta
Avia manciatu nà patata
Mmiscata cà pastina
Un mirruzzeddu nicu nicu
Bugghiutu e senza sali
E mentri chi vu dicu
Un fetu sintia ntè scali
Chi fetu ì pisci frittu!
C’arrivava du chianu i jiusu
Manciavanu cù pani schittu
E mancu nà nzalata pì cunfortu
Idda già i viria cà fantasia
Ddì picciriddi ngrasciati d’ogghiu frittu
U maritu cà ucca spalancata
E a muggheri cà sparti p’ ogni piattu
Si ricurdau di li anni sua cù sò maritu
I sò picciriddi sempri vuccirioti
Attornu ò tavulu manciavanu
e quannu u patrri grirava s’attirrianu
E comu ririanu
quannu s’arrubbavanu nà sarda
e quannu nu’ scuppuluni pigghiavanu
chiancianu
ma chi risati e chi gridati
e chi vita ntà dda casa
ora sula sula
pinsava a lu passatu
e chi lacrimi chi fa veniri
un’ fetu i pisci frittu…..

LA MANTIA ALBA
29/03/O8